新手啱学Canon教你整星形Bokeh

新手啱学Canon教你整星形Bokeh

临近圣诞,人人都去影下灯饰,正因为大家都影,连欧洲Canon都要教翻两招,咁教D咩呢?咪就係剪个星星图案,放係镜头前面,令浅景深嘅光点变成星形啰!相信好多有经验嘅朋友都识,新手当然要学下啦!

平时我地多数用大光圈、长焦距影灯饰,背景嘅光点都会变成好靓嘅圆形,不过影得多都会闷,想将圆点变成其他形状,就係用Canon教嘅方法,在黑色纸卡上面剪个星形、心形、月亮形,D背景光点就会跟住变。而卡纸最好用黑色,减少多余反光,星形要係正中央,唔好侧埋一边。

其实以前都有用呢招,不过我地多数用大大张正方形卡纸,方便用係唔同大细嘅镜头上面。如果想扮反射镜头嘅「波波点」,可以直接係镜头中间放个圆形卡纸,浅景深就会好似反射镜咁样,大家快D去试下啦!

youtu.be/xfyMXIC6Abo

其实呢D招数《摄影杂誌》都有教,12月号就教你点样影灯饰,大家留意啦!

goo.gl/z3swCp

新手啱学Canon教你整星形Bokeh剪个星形卡纸放在镜头前面。

新手啱学Canon教你整星形Bokeh拍摄时开大光圈,浅景深的光点就会变成星形。

新手啱学Canon教你整星形Bokeh想影出雪花形,一样可以。

上一篇: 下一篇: